ભારતની કોવોવાકસને WHO એ માન્યતા આપી
વિશ્વભરમાં ચાલી રહેલી રસીકરણ અભિયાનમાં ઝડપ આવશે. ખાસ કરીને ઓછી આવક ધરાવતા દેશોમાં રસીકરણ મદદ કરશે. WHO દ્વારા આ રસી મંજૂર કરાવવાની પ્રક્રિયામાં ભારતે મહત્વની ભૂમિકા ભજવી છે. આ રસી માત્ર ડ્રગ કંટ્રોલર ઓફ ઈન્ડિયાના ઈન્સ્પેક્શન ડેટાના આધારે મંજૂર કરવામાં આવી હતી.
સીરમ ઈન્ડિયાના સીઈઓ અદાર પૂનાવાલાના જણાવ્યા અનુસાર, આ રસી ત્રણ વર્ષથી ઓછી ઉંમરના બાળકોને રક્ષણ પૂરું પાડશે, કારણ કે ટ્રાયલ દરમિયાન ઉત્તમ ડેટા છે. જાે કે, ભારતમાં આ રસી હજુ સુધી મંજૂર કરવામાં આવી નથી. WHO એ તેને ૧૮ વર્ષ અને તેથી વધુ ઉંમરના લોકો માટે પણ મંજૂરી આપી છે.અમેરિકન ફાર્માસ્યુટિકલ કંપની નોવાવેક્સ અને સીરમ ઈન્ડિયાએ એક સંયુક્ત નિવેદનમાં ઉલ્લેખ કર્યો છે કે સાર્સ-કોવ-૨ દ્વારા થતા કોરોના વાયરસ રોગની રોકથામ માટે ૧૮ વર્ષ અને તેથી વધુ ઉંમરના વ્યક્તિઓના રસીકરણ માટે રસી મંજૂર કરવામાં આવી છે. ‘નુવાક્સોવિડ’ બ્રાન્ડ નામ હેઠળ રસીના માર્કેટિંગ માટે ઈમરજન્સી ઉપયોગની યાદીમાં સમાવેશ કરવા માટે નોવાવેક્સની અરજીની પણ WHO દ્વારા સમીક્ષા કરવામાં આવી રહી છે.
નોવાવેક્સના પ્રેસિડેન્ટ અને સીઈઓ સ્ટેનલી સી. એર્કે જણાવ્યું હતું કે, “વિશ્વભરના લાખો લોકોને પ્રોટીન-આધારિત એન્ટિ-COVID-19 રસીની વૈશ્વિક ઍક્સેસ સુનિશ્ચિત કરવા માટે WHO દ્વારા આજનો ર્નિણય મહત્વપૂર્ણ છે.” જ્યારે પૂનાવાલાએ ટ્વીટ કર્યું, “કોવિડ-૧૯ સામેની અમારી લડાઈમાં આ વધુ એક સીમાચિહ્નરૂપ છે, કોવોવેક્સને હવે WHO દ્વારા ઈમરજન્સી ઉપયોગ માટે મંજૂરી આપવામાં આવી છે. આ રસીએ ઉત્તમ સલામતી અને અસરકારકતા દર્શાવી છે. મહાન સહયોગ માટે આપ સૌનો આભાર.” SII પહેલેથી જ ફાર્માસ્યુટિકલ કંપની AstraZeneca સાથે મળીને ‘‘Covishield`’ રસીનું ઉત્પાદન કરી રહી છે.
આ અઠવાડિયાની શરૂઆતમાં, પૂનાવાલાએ કહ્યું હતું કે SII આગામી છ મહિનામાં કોવોવેક્સ લોન્ચ કરવાની યોજના ધરાવે છે. તેમણે કહ્યું હતું કે ‘કોવોવેક્સ’ ત્રણ વર્ષથી ઓછી ઉંમરના બાળકોને સુરક્ષા પ્રદાન કરશે, કારણ કે પરીક્ષણોએ ડેટા દર્શાવ્યો છે. Covovax હજુ પણ ભારતના ડ્રગ રેગ્યુલેટર DCGI તરફથી તાત્કાલિક ઉપયોગની મંજૂરીની રાહ જાેઈ રહ્યું છે.વર્લ્ડ હેલ્થ ઓર્ગેનાઈઝેશનએ અમેરિકન ફાર્માસ્યુટિકલ કંપની નોવાવેક્સના લાઇસન્સ હેઠળ સીરમ ઈન્સ્ટિટ્યૂટ ઑફ ઈન્ડિયા દ્વારા ઉત્પાદિત એન્ટી-કોવિડ રસી ‘કોવોવાક્સ’ને તેની ઈમરજન્સી ઉપયોગની સૂચિમાં સામેલ કરી છે. આ રીતે વૈશ્વિક આરોગ્ય સંસ્થા દ્વારા માન્યતા પ્રાપ્ત રસીની સંખ્યામાં વધારો થયો છે. સીરમ ઈન્સ્ટિટ્યૂટ ઓફ ઈન્ડિયાના સીઈઓ અદાર પૂનાવાલાએ WHO ના ર્નિણયને કોવિડ-૧૯ સામેની લડાઈમાં એક અન્ય સીમાચિહ્નરૂપ ગણાવ્યું છે.
વર્લ્ડ હેલ્થ ઓર્ગેનાઈઝેશને શુક્રવારે તેની ટ્વીટમાં કહ્યું કે WHO એ તેની ઈમરજન્સી ઉપયોગની યાદીમાં કોવોવેક્સનો સમાવેશ કર્યો છે. આનાથી કોવિડ-૧૯ સામે WHO દ્વારા માન્ય રસીઓની સંખ્યામાં વધારો થયો છે. આ રસી નોવાવેક્સના લાયસન્સ હેઠળ સીરમ ઈન્સ્ટીટ્યુટ ઓફ ઈન્ડિયા દ્વારા બનાવવામાં આવી છે. ડબ્લ્યુએચઓ અનુસાર, કોવોવેક્સનું મૂલ્યાંકન તેની કટોકટી ઉપયોગની ઇન્વેન્ટરી પ્રક્રિયાના આધારે ગુણવત્તા, સલામતી અને કાર્યક્ષમતા, જાેખમ વ્યવસ્થાપન યોજના અને ડ્રગ કંટ્રોલર જનરલ ઓફ ઈન્ડિયા દ્વારા રસી ઉત્પાદન સ્થળ નિરીક્ષણ પરના ડેટાની સમીક્ષાના આધારે કરવામાં આવ્યું હતું.
