મેજર ધ્યાનચંદ સ્પોર્ટ્‌સ યુનિવર્સિટીનો વડાપ્રધાનના હસ્તે શિલાન્યાસ

    ઉત્તર પ્રદેશને ચૂંટણી પહેલા નવા વર્ષમાં ભેટ

    0

    ઉતરપ્રદેશ,
    પીએમ મોદીએ યુપીમાં યોજાનારી ચૂંટણીને લઈને રાજ્યમાં ઘણા પ્રવાસો કર્યા છે અને ઘણી યોજનાઓનું ઉદ્‌ઘાટન કર્યું છે અને ઘણી યોજનાઓનો શિલાન્યાસ પણ કર્યો છે. પીએમ મોદી પશ્ચિમ યુપી આવશે અને મેરઠમાં મેજર ધ્યાનચંદ સ્પોર્ટ્‌સ યુનિવર્સિટીનો શિલાન્યાસ કરશે.

    પીએમઓ દ્વારા જાહેર કરાયેલા કાર્યક્રમ અનુસાર, મોદી સવારે ૧૦ઃ૪૫ વાગ્યે મેરઠમાં આર્મી હેલિપેડ પર ઉતરશે અને અહીંથી તેઓ ઔઘડનાથ મંદિર પહોંચશે અને પૂજા કરશે.પશ્ચિમ યુપીને સ્પોર્ટ્‌સ યુનિવર્સિટીની ભેટ અને આજના શિલાન્યાસ અને પીએમ મોદીની મુલાકાતની પૂર્વસંધ્યાએ શનિવારે સાંજે સરધનાના ઠાકુર ચૌબાસીમાં દીપાવલીની ઉજવણી કરવામાં આવી હતી. અહીં સ્થાનિક લોકોએ ૧૦ લાખ દીવા પ્રગટાવીને દિવાળીની ઉજવણી કરી હતી.

    જિલ્લા વહીવટીતંત્રે આજે મેરઠના સલવામાં બનાવવામાં આવનાર મેજર ધ્યાનચંદ સ્પોર્ટ્‌સ યુનિવર્સિટીના શિલાન્યાસ કાર્યક્રમ માટે તમામ પ્રકારની તૈયારીઓ પૂર્ણ કરી લીધી છે. તૈયારીઓ માટે, મેરઠ અને સહારનપુર વિભાગના અધિકારીઓને પણ ફરજ પર મૂકવામાં આવ્યા છે. એડીજી, કમિશનર, આઈજી, ડીએમ, એસએસપીએ તમામ પંડાલનું ચેકિંગ અને તૈયારીઓ તપાસી હતી.

    ઉત્તર પ્રદેશમાં યોજાનારી વિધાનસભા ચૂંટણીની પહેલા વડાપ્રધાન નરેન્દ્ર મોદી મેરઠમાં મેજર ધ્યાનચંદ સ્પોર્ટ્‌સ યુનિવર્સિટીનો શિલાન્યાસ કરશે. પીએમ મોદી સરધનાના સલવા ખાતે સ્પોર્ટ્‌સ યુનિવર્સિટીનો શિલાન્યાસ કરશે અને ત્યારબાદ તેઓ એક મોટી રેલીને પણ સંબોધિત કરશે. પીએમ મોદી શિલાન્યાસ કરતા પહેલા ઔધડનાથ મંદિર અને શહીદ મડકમાં ૧૮૫૭ના અમર શહીદોને શ્રદ્ધાંજલિ પણ અર્પણ કરશે. આ પછી પીએમ મોદી શહીદ સ્મારક પર પહોંચશે અને અમર જવાન જ્યોતિ ખાતે શહીદોને શ્રદ્ધાંજલિ આપશે અને અહીં સ્વતંત્રતા સંગ્રામ મ્યુઝિયમનું નિરીક્ષણ કરશે.

    અહીંથી પીએમ મોદી આર્મી હેલિપેડ પહોંચશે અને હેલિકોપ્ટર દ્વારા ખતૌલી હેલિપેડ પહોંચશે અને ત્યાં મેજર ધ્યાનચંદ સ્પોર્ટ્‌સ યુનિવર્સિટીનો શિલાન્યાસ કરવા સલવા પહોંચશે. પીએમ મોદી અહી એક જનસભાને સંબોધશે અને બપોરે ૨.૩૦ વાગ્યે રવાના થશે. મેરઠમાં શિલાન્યાસ કાર્યક્રમ માટે અર્જુન એવોર્ડ વિજેતા, પેરા ઓલિમ્પિયન્સ અને અન્ય ખેલાડીઓ રાજ્યના વિવિધ જિલ્લાઓમાંથી મેરઠ પહોંચ્યા છે અને આજે આ તમામ ખેલાડીઓ શિલાન્યાસ કાર્યક્રમમાં હાજરી આપશે. આ ખેલાડીઓને દિલ્હી રોડ સહિત શહેરની વિવિધ હોટલ અને અગ્રણી સ્થળોએ રહેવાની વ્યવસ્થા કરવામાં આવી છે. સાથે જ તમામ ખેલાડીઓની કોરોના તપાસ પણ કરવામાં આવી છે.

    NO COMMENTS

    LEAVE A REPLY

    Please enter your comment!
    Please enter your name here

    Exit mobile version