મોંઘવારીના માર વચ્ચે એલપીજી સિલિન્ડર 250 રૂપિયા મોંઘો થયો

0
477
LPG

૧લી એપ્રિલ ૨૦૨૨થી નવું નાણાકીય વર્ષ ૨૦૨૨-૨૩ શરૂ થયું છે. નવા નાણાકીય વર્ષના પ્રથમ દિવસે જ મોંઘવારીનો જાેરદાર આંચકો લાગ્યો છે. પહેલી એપ્રિલે એલપીજી ગેસ સિલિન્ડરની નવી કિંમતો જાહેર કરવામાં આવી છે. સરકારી ઓઇલ માર્કેટિંગ કંપનીઓએ ૧ એપ્રિલના રોજ એલપીજી ગેસ સિલિન્ડરના ભાવમાં ૨૫૦ રૂપિયાનો વધારો કર્યો છે. આ વધારો ઘરેલુ એલપીજી સિલિન્ડરમાં નહીં પરંતુ કોમર્શિયલ ગેસ સિલિન્ડરમાં થયો છે. ઘરેલુ એલપીજી સિલિન્ડરના ભાવમાં કોઈ ફેરફાર થયો નથી. તમને જણાવી દઈએ કે ગયા મહિને ૨૨ માર્ચે એલપીજી સિલિન્ડરની કિંમતમાં ૫૦ રૂપિયાનો વધારો કરવામાં આવ્યો હતો જ્યારે કોમર્શિયલ ગેસ સિલિન્ડર સસ્તો થયો હતો. નવા નાણાકીય વર્ષના પ્રથમ દિવસે ઘરેલુ એલપીજીના ભાવમાં વધારો ન થતાં સામાન્ય માણસને થોડી રાહત મળી છે. રાષ્ટ્રીય રાજધાની દિલ્હીમાં સબસિડી વગરના ૧૪.૨ કિલોના ગેસ સિલિન્ડરની કિંમત ૯૪૯.૫ રૂપિયા છે.

સ્થાનિક એલપીજી સિલિન્ડરની કિંમત કોલકાતામાં ૯૭૬ રૂપિયા, મુંબઈમાં ૯૪૯.૫૦ રૂપિયા અને ચેન્નાઈમાં સબસિડી વિનાના સિલિન્ડરની કિંમત ૯૬૫.૫૦ રૂપિયા છે. દેશની સૌથી મોટી ઓઈલ માર્કેટિંગ કંપની ઈન્ડિયન ઓઈલ (ૈર્ંંઝ્ર) એ ૧૯ કિલોના કોમર્શિયલ ગેસ સિલિન્ડરની કિંમતમાં ૨૫૦ રૂપિયાનો વધારો કર્યો છે. દિલ્હીમાં ૧૯ કિલો કોમર્શિયલ ગેસની કિંમત ૨૪૯.૫૦ રૂપિયા વધીને ૨,૨૫૩ રૂપિયા થઈ ગઈ છે. પહેલા તેની કિંમત ૨,૦૦૩.૫૦ રૂપિયા હતી. કોલકાતામાં કોમર્શિયલ ગેસ સિલિન્ડરની કિંમત ૨૬૪.૫૦ રૂપિયા વધીને ૨૩૫૧.૫ રૂપિયા થઈ ગઈ છે. પહેલા તેની કિંમત ૨,૦૮૭ રૂપિયા હતી. મુંબઈમાં કોમર્શિયલ ગેસ રૂ. ૨,૨૦૫ થયો હતો. પહેલા તેની કિંમત ૧,૯૯૫ રૂપિયા હતી. ચેન્નાઈમાં ૧૯ કિલોના કોમર્શિયલ ગેસ સિલિન્ડરની કિંમતોમાં સૌથી વધુ ૨૬૮.૫૦ રૂપિયાનો વધારો થયો છે. અહીં કિંમત વધીને ૨,૪૦૬ રૂપિયા થઈ ગઈ. પહેલા તેની કિંમત ૨૧૩૭.૫ રૂપિયા હતી.

એલપીજી સિલિન્ડરની કિંમતમાં વધારા ઉપરાંત એર ફ્યુઅલના ભાવમાં પણ વધારો થયો છે. ૧ એપ્રિલે જેટ ફ્યુઅલ એટલે કે છ્‌હ્લની કિંમત ૨ ટકા વધારીને ૧,૧૨,૯૨૫/કિલોલીટર કરવામાં આવી છે. અગાઉ તે ૧,૧૦,૬૬૬ રૂપિયા પ્રતિ કિલોલીટર હતો. નવા દરો ૧૫ એપ્રિલ, ૨૦૨૨ સુધી લાગુ રહેશે. છેલ્લા પખવાડિયાના આંતરરાષ્ટ્રીય બેન્ચમાર્કની સરેરાશ કિંમતના આધારે દર મહિનાની ૧લી અને ૧૬મી તારીખે જેટ ફ્યુઅલના ભાવમાં સુધારો કરવામાં આવે છે. એલપીજી સિલિન્ડરની કિંમત તપાસવા માટે તમારે સરકારી ઓઈલ કંપની ૈર્ંંઝ્રની વેબસાઈટ પર જવું પડશે. અહીં કંપનીઓ દર મહિને નવા દર જારી કરે છે.

LEAVE A REPLY

Please enter your comment!
Please enter your name here